කොළඹ කොටස් වෙළෙඳපොළ කැපී පෙනෙන වර්ධනයක් පෙන්වයි
කොළඹ කොටස් වෙළඳපොළ මෑතක දක්නට ලැබුණු ශක්තිමත්ම එක්දින ක්රියාකාරීත්වය පෙන්වමින් 2026 ජූනි 15 දින ආරම්භයේ සිටම පුළුල් මිලදී ගැනීමේ උනන්දුවක් පෙන්වා ඇතැයි වාර්තා වෙයි. ගෝලීය ආයෝජක මනෝභාවය වැඩිදියුණු වීම සහ කලාපීය ආර්ථිකයන් ශක්තිමත් වීම තුළින් ආයෝජක විශ්වාසය යළි තහවුරු වීම මෙයින් පෙන්වන බවද ඉහළ අවිනිශ්චිතතාවයකින් යුත් කාලපරිච්ඡේදයකින් පසුව, වෙළෙඳපොළ ආරම්භයේ සිටම පුළුල් මිලදී ගැනීමේ උනන්දුවක් දක්නට ලැබීම උද්යෝගය දනවන බවද කොටස් වෙළඳපොළ ආරංචි මාර්ග ප්රකාශ කරයි. ඒ අනුව සියලුම කොටස් මිල දර්ශකය ඒකක 743.22 කින් (+3.43%) ඉහළ ගොස් 22,380.65 ක් ලෙස සටහන් වී අතර, S&P SL20 දර්ශකය ඒකක 192.48 කින් (+3.19%) වර්ධනය වී 6,219.53 ක් ලෙස සටහන් වී ඇත. දවසේ සමස්ත වෙළෙඳපොළ පිරිවැටුම රුපියල් බිලියන 4ක් බව වාර්තා වෙන අතර මෙම සැසියේදී ගනුදෙනු වූ කොටස් ප්රමාණය මිලියන 205.58ක් බවද වැඩිදුරටත් වාර්තා වෙයි.