භාණ්ඩාගාරයට සම්බන්ධ ඩොලර් මිලියන 2.5ක මූල්ය වංචාව සහ මෑතකාලයේ වාර්තා වූ අනෙකුත් මූල්ය වංචාවන් පිළිබඳව විමර්ශනය කිරීම සඳහා තේරීම් කාරක සභාවක් පත් කරන ලෙස Free Lawyers Association නම් සංවිධානය ජනාධිපති අනුර කුමාර දිසානායක සහ කථානායක ජගත් වික්රමරත්න යන මහත්වරුන් වෙත ලිපි යවමින් ඉල්ලා ඇත.
එම සංවිධානයේ සම කැඳවුම්කරුවන් වන ජනාධිපති නීතිඥ මෛත්රී ගුණරත්න සහ නීතිඥ අතුල ද සිල්වා යන අයගේ අත්සනින් යුතුව යොමු කර ඇති මෙම ලිපිය මගින්, මෙම මූල්ය වංචාවන් පිළිබඳව විමර්ශනය කර ඉදිරියට මෙවැනි සිදුවීම් වළක්වා ගැනීම සඳහා නිර්දේශ ඉදිරිපත් කිරීමට තේරීම් කාරක සභාවක් පත් කරන ලෙස ඉල්ලා ඇතැයි තවදුරටත් වාර්තා වෙයි.
