තමන්ගේ වී අස්වැන්නට සාධාරණ මිලක් ලබාදෙන ලෙස ඉල්ලා කිරිඳිඔය ඒකාබද්ධ ගොවි ව්‍යාපාරයේ සංවිධාන 62ක ගොවි නියෝජිතයින් විශාල පිරිසක් අද (13) වීරවිල මංසන්ධියට එකතුව රජයට සිය විරෝධය දක්වනු ලැබීය.
මෙම විරෝධතාවට එකතුවූ ගොවියෝ මාධ්‍යවෙත අදහස් දක්වමින් ප්‍රකාශ කළේ, වී කිලෝවක් නිෂ්පාදනය කිරීම සඳහා රුපියල් 120ක් පමණ පිරිවැයක් දරන්න වෙන පසුබිමක, වී කිලෝවක මිල රුපියල් 85ත් 90ත් දක්වා පහළ යෑම තමන්ට දරාගන්නට නොහැකි බවයි.
බැංකුවලට සහ පොලීකරුවන්ට ණය වී සිටින තමන්ට යම් සහනයක් ලබාගන්නට නම් වී කිලෝ එකක මිල රුපියල් 150ක් වත් විය යුතු බව ප්‍රකාශ කරන ගොවියන් රජයට යෝජනා කර සිටින්නේ, වී කිලෝවක් රුපියල් 150ක සහතික මිලකට රජය විසින් මිලදී ගත යුතුයි කියා ය.