හෝමාගම, කටුවන කාර්මික ජනපදයේ පිහිටි හෙල්මට් නිෂ්පාදනාගාරයක අද (21) උදෑසන ඇති වූ දරුණු ගිනිගැනීමකින් පුද්ගලයින් පස්දෙනෙකු මියගොස් තිබේ.
ගින්න ව්‍යාප්ත වීමත් සමඟ ප්‍රදේශය පුරා ඝන කළු දුමාරයක් පැතිරගොස් ඇති අතර, කෝට්ටේ මහා නගර සභා ගිනි නිවන ඒකකය, පොලිසිය සහ හදිසි සහන කණ්ඩායම් එක්ව මෙහෙයුම් දියත් කර ගින්න පාලනය කිරීමට සමත් වී තිබේ.
පසුව සිදුකළ පරීක්ෂණවල දී කර්මාන්තශාලා පරිශ්‍රයේ තිබී මෘතදේහ පහක් හමු වූ බව පොලිස් මාධ්‍ය ප්‍රකාශකවරයා තහවුරු කළේ ය.
අනතුරට හේතුව මෙතෙක් තහවුරු වී නොමැති අතර, සිද්ධිය සම්බන්ධයෙන් පොලිසිය වැඩිදුර විමර්ශන පවත්වයි.