මාව අත්අඩංගුවට ගන්න දෙන්න එපා – ගෝඨා උසාවි යයි
පාස්කු ඉරිදා ත්රස්ත ප්රහාරයට අදාළව අපරාධ පරීක්ෂණ දෙපාර්තමේන්තුව විසින් තමන්ව අත්අඩංගුවට ගැනීමට සූදානම් වන බවත් එය වළක්වන නියෝගයක් නිකුත් කරන ලෙසත් ඉල්ලා හිටපු ජනාධිපති ගෝඨාභය රාජපක්ෂ අභියාචනාධිකරණය හමුවේ රිට් පෙත්සමක් ගොනු කර ඇත. නීතිඥ සනත් විජේවර්ධන මහතා මාර්ගයෙන් ගොනුකර ඇති මෙම පෙත්සමේ වගඋත්තරකරුවන් ලෙස හිටපු ජනාධිපතිවරයා විසින් නම්කරනු ලැබ ඇත්තේ පොලිස්පති ප්රියන්ත වීරසූරිය, අපරාධ පරීක්ෂණ දෙපාර්තමේන්තුවේ අධ්යක්ෂ ශානි අබේසේකර, අපරාධ පරීක්ෂණ දෙපාර්තමේන්තුවේ විශේෂ විමර්ශන ඒකකයේ ස්ථානාධිපති මාධව ගුණවර්ධන සහ නීතිපතිවරයා බව දැනගන්නට ලැබෙයි. මේ වනවිට ත්රස්තවාදය වැළැක්වීමේ පනත යටතේ හිටපු රාජ්ය බුද්ධි ප්රධානී සුරේෂ් සලේ රඳවාගෙන ප්රශ්න කරන අතර දැනට විමර්ශන කටයුතු වලින් හෙළිදරව් වී ඇති තොරතුරුවලට අනුව හිටපු ජනාධිපති ගෝඨාභය රාජපක්ෂ ද මෙම ප්රහාරයට සැක බව සීඅයිඩී ආරංචි මාර්ගවලින් වාර්තා වෙයි. මීට අමතරව හිටපු යුද්ධ හමුදා බුද්ධි නිලධාරීන් වන ප්රේම් ආනන්ද උදලාගම, රිසාන් අන්සාර් යන අය පිළිබඳව ද මෙම ප්රහාරයට අදාළව විමර්ශනයන් සිදුවෙමින් පවතින අතර එහිම දිගුවක් ලෙස මෙම පුද්ගලයන් තිදෙනාටම එරෙහිව විදෙස් ගමන් තහනමක් ලබාගන්නට සීඅයිඩීය පසුගිය දා කටයුතු කරනු ලැබීය.
