ඇළ මාර්ගයක් උපයෝගී කරගනිමින් ක්රියාත්මක කෙරෙන ප්රථම සූර්ය බලශක්ති ව්යාපෘතිය, වියානා ඇළ ආශ්රිතව ආරම්භ කිරීම සඳහා වන මූලික ශක්යතා අධ්යයන කටයුතු නිම කර තිබේ. මහියංගනයෙන් ඇරඹී කිලෝමීටර් 20කට වැඩි දුරකට විහිදෙන මෙම ඇළ මාර්ගය වසරේ වැඩි කාලයක් හොඳින් හිරු එළිය ලබන ප්රදේශයක පිහිටා තිබීම මෙම තේරීමට ප්රධාන හේතුව වී තිබේ.
පසුගිය 20 වනදා මහවැලි අධිකාරියේ හා සුනිත්ය බලශක්ති අධිකාරියේ ඉංජිනේරුවන් ද, ලෙකෝ ආයතනයේ නිලධාරීන් මෙන්ම පාර්ලිමේන්තු මන්ත්රීවරුන්ගේ ද සහභාගීත්වයෙන් මීට අදාළ ප්රගති සමාලෝචන රැස්වීමක් පැවැත්විණි.
ඇළ මතුපිට සූර්ය පැනල ඇතිරීම මගින් ජලය වාෂ්පීභවනය වීම වැළකෙන අතරම ව්යාපෘතියට අනුබද්ධිත විදුලි අලි වැට නිසා වන අලින් ඇළට වැටී අනතුරුවලට ලක්වීම ද වැළකෙන බව බලධාරීන්ගේ අදහසයි. එසේම අනාගතයේ දී හරිත හයිඩ්රජන් ව්යාපෘති සඳහා ද මෙය පදනමක් වනු ඇත.
කෙසේ වෙතත්, ස්වාභාවික ජල මූලාශ්ර සහ වැව් ආශ්රිතව මෙලෙස සූර්ය පැනල සවිකිරීම මඟින් ජලජ පරිසර පද්ධතිවලට මෙන්ම සතුන්ගේ හැසිරීම්වලට ද දැඩි බලපෑම් එල්ල වන බව පවසමින් පරිසර සංවිධාන මෙවැනි ව්යාපෘති කෙරෙහි සිය විරෝධය පළ කර සිටියි.
