පාර්ලිමේන්තු මන්ත්රීවරියන්ගේ සංසදය කළ දෝෂාරෝපණ වාර්තා කිරීම නිසා බීබීසී සිංහල සේවයේ මාධ්යවේදීන් පාර්ලිමේන්තු වරප්රසාද කමිටුවට කැඳවීමට සැරසෙන පසුබිමක, පාර්ලිමේන්තු වරප්රසාද පනත සංසදවලට අදාළ නොවන බවට නීතිඥ තිෂ්ය වේරගොඩ මහතා පෙන්වා දෙයි.
ඒ සම්බන්ධයෙන් වන නීතිමය තත්ත්වය පැහැදිලි කරමින් ඔහු සිය මුහුණු පොතට තබා තිබූ සටහන පහත දැක්වේ.
ශ්රී ලංකාවේ ව්යවස්ථාව අනුව පාර්ලිමේන්තු වරප්රසාද සම්බන්ධයෙන් හැරුණු කොට අනෙක් සියලු අධිකරණ බලය තියෙන්නේ අධිකරණ පද්ධතිය සතුවයි.
වරප්රසාද සමබන්ධයෙන් වුණත් ඒ වෙලාවට බලපවත්නා නීතීන් අනුව තමයි පාර්ලිමේන්තුවට අධිකරණ බලය භාවිතා කරන්න පුළුවන්. ඒ කියන්නේ පාර්ලිමේන්තු වරප්රසාද පනත යටතේ තියෙන බලය විතරමයි.
ව්යවස්ථාව සහ ඒ පනත අනුව සහ පාර්ලිමේන්තුවේ ස්ථාවර නියෝග අනුව “සංසද” කියන්නේ පාර්ලිමේන්තුව හෝ එහි කමිටුවක් හෝ කාරක සභාවක් හෝ එහි අනු කමිටුවක් නෙමෙයි.
ඒ කියන්නේ පාර්ලිමේන්තු වරප්රසාද පනත ඔය එක එක සංසද වලට අදාළ වෙන්නේ නෑ.
ආහ්! තව පොඩ්ඩෙන් අමතක වෙනවා!
යම්කිසි දෙයක් පාර්ලිමේන්තු වරප්රසාද පනත යටතට වැටෙනවාද නැද්ද කියන එක තීරණය කරන්න පුළුවන් අධිකරණයට මිසක් පාර්ලිමෙන්තුවට නෙමෙයි.
මූලාශ්ර: Erskin May Parliamentary Practice, 23rd ed (2004); R v Chaytor and others [2010] UKSC 52; Stockdale v Hansard (1839) 9 Ad & E 1″
මේ අතර, ලක්මාලි හේමචන්ද්ර මන්ත්රීවරියගේ පැමිණිල්ලකට අනුව කථානායක නියෝගයෙන් බීබීසී සිංහල සේවයේ කර්තෘ ඉෂාරා ධනසේකර සහ මාධ්යවේදී සම්පත් දියානායක එළඹෙන 23 වනදා මෙලෙස වරප්රසාද කාරක සභාවට කැඳවීමට ආණ්ඩුව ගෙන ඇති පියවර ශ්රී ලංකා වෘත්තීය ජනමාධ්යවේදීන්ගේ සංගමය දැඩි ලෙස හෙළා දකියි.
හිටපු අනුරාධපුර අටමස්ථානාධිපති පල්ලේගම හේමරතන හිමියන්ට එරෙහි ළමා අපයෝජන චෝදනාවලට අදාළව ජාතික ළමා ආරක්ෂක අධිකාරිය අධිකරණයේ දී දැක්වූ අදහස් ගැන මන්ත්රීවරියන්ගේ සංසදය කළ දෝෂාරෝපණ වාර්තා කිරීම නිසා මෙලෙස මාධ්යවේදීන් කැඳවීම භාෂණයේ නිදහසට එල්ල කළ බරපතල තර්ජනයක් සහ මාධ්ය මර්දනයක් බව පෙන්වා දෙන සංගමය, මෙම ක්රියාමාර්ගය වහා අත්හිටුවන ලෙස ආණ්ඩුවෙන් ඉල්ලා සිටින අතර ප්රකාශනයේ නිදහස වෙනුවෙන් පෙනී සිටින ලෙස සියලු මාධ්ය, සිවිල් සංවිධාන සහ මහජනයාගෙන් ඉල්ලා සිටී.
