අම්පාර මහ රෝහලට අනුයුක්තව සේවය කළ 34 හැවිරිදි භෞතචිකිත්සකවරියගේ මරණයට සැක ප්රධාන සැකකරුවා පසුගිය 23දා උදෑසන යාපනය කොට්ඨාස අපරාධ විමර්ශන කාර්යාංශයේ සහ පානදුර වලාන දූෂණ මර්දන ඒකකයේ නිලධාරීන් විසින් අත්අඩංගුව ගෙන ඇත.
පසුගිය ජූනි 17 වැනිදා තෙල්දෙණිය ප්රදේශයේ අතහැර දමා ගොස් තිබූ වාහනයක් තුළ තිබී කාන්තා මළ සිරුරක් සොයා ගත් අතර පසුව අනාවරණය වී තිබුණේ ඇයගේ පෙම්වතා විසින් මෙම මළ සිරුර වාහනය තුළ දමා, ප්රදේශයෙන් පලාගොස් ඇති බවයි. ඒ අනුව ඔහු සොයා පොලිස් මෙහෙයුම් ක්රියාත්මක වූ අතර එහි ප්රථිපලයක් ලෙස ඔහු සහ ඔහුගේ බිරිඳ සහ කුඩා දරුවෙක් යාපනයේදී පොලිසිය විසින් අත්අඩංගුවට ගෙන තිබේ.
වැල්ලවත්තේ සිට චාවකච්චේරි දක්වා බස් රථයකින් ගමන් කරමින් සිටියදී මෙම සැකකරු සහ පවුලේ පිරිස අත්අඩංගුවට ගෙන ඇති අතර එම මොහොතේදී ද ඔහු තම අනන්යතාවය සැඟවීම සඳහා මුහුණු ආවරණයක් පැළඳ සිට ඇත. ඔහුගේ බිරිඳ මුස්ලිම් කාන්තාවක ලෙස වෙස්වළාගෙන සිට ඇති අතර පොලිස් භාරයට ගත් පසුව ඔවුන් ප්රකාශ කර ඇත්තේ, තම අනෙකුත් දරුවන් දෙදෙනා බැලීම සඳහා වවුනියාවේ සිට කුරුණෑගල දක්වා යාමට සැලසුම් කර තිබූ බවත් පසුගිය කාලයේදී මීගමුව සහ හලාවත සැඟවී සිටිමින් නීතිවිරෝධී මුහුදු මාර්ග හරහා රටින් පිටවීමට උත්සාහ කළ බවත් ය.
