මීගමුව බන්ධනාගාරයේ ඇති වූ ගැටුමෙන් ජීවිතක්ෂයට පත් වූ බන්ධනාගාර නිලධාරීන්ගේ දේහයන් අද (08) පෙරවරුවේ රථ පෙළපාලියකින් වැලිකඩ බන්ධනාගාර පරිශ්රය වෙත රැගෙන එනු ලැබීය.
එහිදී බන්ධනාගාරය භාර අමාත්යවරයා එහි ලේකම්වරිය සහ බන්ධනාගාර නිලධාරීන් වැලිකඩ බන්ධනාගාර පරිශ්රයේදී එම දේහයන් වෙනුවෙන් සිය අවසාන ගෞරවය දැක්වූ අතර පසුව එම දේහයන් ඔවුන්ගේ පවුල්වල සාමාජිකයින් වෙත භාරදීමට නියමිතව ඇත.
පසුගිය ජූලි 5 සහ 6 යන දෙදින තුළ මීගමුව බන්ධනාගාරය තුළ නොසන්සුතාවයක් හටගත් අතර එහිදී පසුගිය 6 වෙනිදා බන්ධනාගාරය තුළ සිදුව ඇති දරුණු ගැටුමේදී බන්ධනාගාර රැඳවියන් විසින් අමානුෂික ලෙස මෙම බන්ධනාගාර නිලධාරීන් ඝාතනය කර තිබුණි.
මෙසේ ඝාතනයට ලක්වී තිබුණේ, බන්ධනාගාර විශේෂ උපක්රමික ඒකකයට අනුයුක්තව සේවය කළ නිලධාරීන් හත් දෙනෙකු බව වාර්තා වෙයි.
