වාහන විමර්ශනයකට අදාළව අධිකරණයට වැරදි තොරතුරු වාර්තා කරමින් සාමාන්ය පරිදි නඩුව අවසන් කර දීම සඳහා රුපියල් මිලියනයක අල්ලස් මුදලක් ලබාගත් කළුතර විශේෂ අපරාධ විමර්ශන අංශයේ පොලිස් පරීක්ෂකවරයෙකු, අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් ඊයේ (22) රාත්රියේ අත්අඩංගුවට ගෙන තිබේ.
සැකකාර පොලිස් පරීක්ෂකවරයා පැමිණිලිකරුගෙන් ඉල්ලා ඇති සමස්ත අල්ලස් මුදල රුපියල් ලක්ෂ 11 ක් වන අතර, පසුගිය මැයි 30 වැනිදා අදාළ අල්ලස් මුදලෙන් රුපියල් ලක්ෂයක මුදලක් පළමු වාරිකය ලෙස ලබා ගැනීමට කටයුතු කර තිබුණි.
ඉතිරි රුපියල් ලක්ෂ 10 ක මුදල ලබා ගැනීම සඳහා කළුතර උතුරේ හෝටලයක් තෝරාගෙන තිබූ අතර, වින්දිත පුද්ගලයාගේ පැමිණිල්ලට අනුව ක්රියාත්මක වූ වැටලීම් නිලධාරීන් පිරිසක් හෝටල් පරිශ්රයේ රැකසිට, අල්ලස් මුදල ලබාගන්නා අවස්ථාවේදීම සැකකරු අතටම හසුකරගෙන ඇත.
අත්අඩංගුවට ගත් කළුතර දකුණ පොලිස් ස්ථානයට අනුයුක්තව සේවය කළ මෙම පොලිස් පරීක්ෂකවරයා ඉදිරි නීතිමය පියවර සඳහා කොළඹ ප්රධාන මහේස්ත්රාත් අධිකරණය වෙත ඉදිරිපත් කිරීමට නියමිතය.
