2025 වසරේ විශිෂ්ටතම ක්රිකට් ක්රීඩකයා ලෙස පැතුම් නිස්සංක සහ විශිෂ්ටතම ක්රිකට් ක්රීඩිකාව ලෙස චමරි අතපත්තු සම්මානයෙන් පිදුම් ලැබූහ.
පසුගිය 6 වැනිදා රාත්රියේ පැවති ශ්රී ලංකා ක්රිකට් සම්මාන උළෙලේදී ඔවුන් දෙදෙනා මෙසේ සම්මානයට පාත්ර වූ අතර, 2025 වසරේ හොඳම ටෙස්ට් පිතිකරු ලෙස පැතුම් නිස්සංක ද, එම වර්ෂයට අදාළව හොඳම ටෙස්ට් පන්දු යවන්නා ලෙස ප්රභාත් ජයසූරිය ද සම්මාන දිනා ගත්හ.
ශ්රී ලංකා ටෙස්ට් නායක ධනංජය ද සිල්වා හොඳම ටෙස්ට් තුන් ඉරියව් ක්රීඩකයා ලෙස සම්මානයට පාත්ර වූ අතර, 2025 වසරේ හොඳම එක්දින පන්දු යවන්නා ලෙස අසිත ප්රනාන්දු ද, හොඳම පිතිකරු ලෙස චරිත් අසලංක ද, හොඳම තුන් ඉරියව් ක්රීඩකයා ලෙස වනිඳු හසරංග ද සම්මානයට පාත්ර වූහ.
2025 වසරේ විස්සයි20 හොඳම පන්දු යවන්නා ලෙස දුෂ්මන්ත චමීර සම්මාන හිමි කර ගත් අතර, පැතුම් නිස්සංක එම අංශයේ හොඳම පිතිකරු ලෙසත්, දසුන් ශානක එහි හොඳම තුන් ඉරියව් ක්රීඩකයා ලෙසත් සම්මානයට පාත්ර වූහ.
මෙහිදී කාන්තා අංශයෙන් 2025 වසරේ හොඳම එක්දින පන්දු යවන්නිය හා තුන් ඉරියව් ක්රීඩිකාව ලෙස චමරි අතපත්තු ද, හොඳම පිතිකාරිය ලෙස හර්ෂිතා සමරවික්රම ද සම්මානයට පාත්ර වූහ.
2025 වසරේ විස්සයි20 හොඳම පන්දු යවන්නියට හිමි සම්මානය කවීෂා දිල්හාරි හිමි කර ගත් අතර, චමරි අතපත්තු එහි හොඳම පිතිකාරිය හා තුන් ඉරියව් ක්රීඩිකාව ලෙස සම්මාන දිනා ගත්තාය.
සම්මාන උළෙලේ නැගී එන ක්රීඩකයා ලෙස කමිල් මිෂාර ද, නැගී එන ක්රීඩිකාව ලෙස ඉමේෂා දුලානි ද සම්මානනීය වූහ.
