වයස අවුරුදු 12ක බාලවයස්කාර දැරිවියක් බරපතළ ලෙස ලිංගික අපයෝජනයට ලක් කළා යැයි චෝදනා එල්ලවී ඇති හිටපු අටමස්ථානාධිපති පල්ලේගම හේමරතන භික්ෂුවට එරෙහි නඩුව අද අනුරාධපුර මහේස්ත්රාත් අධිකරණයේදී විභාගයට ගත් අතර මෙවර එම නඩු විභාගය සඳහා නීතිපති දෙපාර්තමේන්තුව නියෝජනය කරමින් රජයේ අධිනීතීඥ කේෂානි විජේසිංහ සහභාගී වී සිට කරුණු දක්වා ඇතැයි වාර්තා වෙන අතර එහිදී නිට්ටඹුව පොලීසිය විමර්ශනයන් හි ප්රගතිය වාර්තා කරමින් මුල් DNA පරීෂණයට අදාළ වාර්තාව ලැබී ඇති බවත්, දෙවැනි DNA පරීක්ෂණ වාර්තාව ලැබීමට නියමිත බවත් ප්රකාශ කර ඇත.
මෙහිදී පොලීසිය වැඩිදුරටත් කරුණු දක්වමින් ප්රකාශ කර ඇත්තේ වින්දිත දැරියගේ සහ මවගේ ජංගම දුරකථන සම්බන්ධයෙන් වූ දුරකථන විශ්ලේශන වාර්තා දැනටමත් අධිකරණයට භාරදී ඇති බවය. මෙසේ විමර්ශන ප්රගතිය අධිකරණයට ඉදිරිපත් කරමින් පොලීසිය අධිකරණයෙන් ඉල්ලා ඇත්තේ ඉදිරි විමර්ශනවල ප්රගතිය දැනුන් දීම සඳහා යළි දිනයක් ලබාදෙන ලෙසයි.
මෙහිදී නීතිපති දෙපාර්තමේන්තුව අධිකරණය හමුවේ කරුණු දක්වමින් ප්රකාශ කර ඇත්තේ තමන් මෙම නඩු කටයුත්ත අධීක්ෂණය කරන බවයි. ඒ අනුව අනුරාධපුර ප්රධාන මහේස්ත්රාත් සියපත් සසිඳු වික්රමරත්න මෙම නඩුව ලබන අගෝස්තු මස 21 වැනි දින යළි කැඳවීමට නියෝග කළ අතර පොලීසියට නීතිපති දෙපාර්තමේන්තුවෙන් මේ සඳහා උපදෙස් ලබාගන්නා ලෙසද දැනුන් දෙනු ලැබීය.
