ජනාධිපතිවරයා රටපුරා ඇති ජනාධිපති මන්දිර භාවිතා කරන්නේ නැති බව ප්රකාශ කරමින් එම මන්දිරවල නවාතැන් නොගත්තත් එහි බොහෝ දෙනෙක් රැඳී සිට ඇති බවද ඒ සඳහා 2025 වර්ෂයේදී විශාල වියදමක් දරා ඇති බවද ජාතික විගණන කාර්යාලය ප්රකාශ කරයි.
එම කාර්යාලය ප්රකාශ කරන ආකාරයට, 2025 වර්ෂයේදී මන්දිර බොහෝමයක විවිධ පුද්ගලයන් 3,089 දෙනෙකු නවාතැන් ගෙන ඇති අතර එම කාලයේදී රැස්වීම් තුනක් පමණක් පවත්වා ඇත.
රට වටා පිහිටි ජනාධිපති මන්දිර හතෙහි විදුලිය, දුරකතන ඇතුළු පහසුකම් සඳහා මෙම වර්ෂයේදී රුපියල් 32,982,675ක මුදලක් වැයකර ඇති බව ප්රකාශ කරන එම කාර්යාලය කතරගම, මහියංගනය හා බෙන්තොට යන ප්රදේශවල පිහිටි මන්දිරවල මෙම 2025 වර්ෂය තුළදී කිසිදු රැස්වීමක් හෝ නවාතැන් ගැනීමක් සිදු කර නොමැති බව ද වාර්තා කරයි.
නමුත් මෙම 2025 වසරට අදාළව එම මන්දිර දුරකථන, විදුලිය සහ අනෙකුත් වියදම් සඳහා රුපියල් 2,447,754ක් වැය කර ඇත.
කොළඹ කොටුව, මහනුවර, අනුරාධපුර, කතරගම, මහියංගනය, නුවරඑළිය සහ බෙන්තොට යන ප්රදේශවල ජනාධිපති මන්දිරයන් පිහිටා ඇත.
