දීර්ඝ කාලයක් ත්රස්තවාදය වැළැක්වීමේ අහෝසි කරන්න කියලා ජනතාව අරගල කළ බවත් ඒ අනුව මේ වසරේ ත්රස්තවාදය වැළක්වීමේ පනත අහෝසි කරන බවත් මේ වනවිට ඒ පිළිබඳව අවසන් සාකච්ඡාව පැවැත්වී ඇති බවත් පසුගිය 25දා පාර්ලිමේන්තුව අමතමින් ජනාධිපති අනුර කුමාර දිසානායක ප්රකාශ කරයි.
‘ඉතා ඉක්මනින් අපි මේ ත්රස්තවාදී වැළැක්වීමේ පනත අහෝසි කරනවා. හැබැයි අපි දන්නවා මේ අවස්ථාවේ සංවිධානාත්මක අපරාධ තර්ජනයක් තිබෙනවා. ඒ සංවිධානාත්මක අපරාධ මැඬ පැවැත්වීම සඳහා අවශ්ය වන ශක්තිමත් නීතියක් සම්පාදනය කරනවා. ත්රස්තවාදය විවිධාකාරයෙන් අර්ථකථනය කර අපට පීටීඒ යටතේ නඩු දාන්න පුළුවන්.
අර්ථ නිරූපණය කිරීමේ විශාල පරාසයක් ත්රස්තවාදී වළක්වීමේ පනත යටතේ තිබෙනවා. හැබැයි සංවිධානාත්මක අපරාධවලට අපි හැම වෙලාවේම හරියටම සංයුක්ත කර අවශ්ය වන පරිදි අර්ථ නිරූපණය සකස් කරනවා. ත්රස්තවාදය වැළැක්වීමේ පනතේදී ඉතා පුළුල් පරාසයක් තිබෙනවා. තමන්ට දඩයම් කිරීමට අවශ්ය නම් තමන්ට එකඟ නොවෙනවා නම් දඩයම් කිරීමට අවශ්ය වන ප්රතිපාදනයක් පීටීඒ යටතේ හොයාගන්න පුළුවන්. ඒ තරම් පුළුල් පරාසයක තමයි ත්රස්තවාදය පිළිබඳ අර්ථකථන පී.ටී.ඒ එක ඇතුලේ තිබෙන්නේ. මිනිසුන්ගේ මූලික අයිතිවාසිකම්, භාෂණයේ අයිතිය, ප්රජාතන්ත්රවාදයේ අයිතිය, මුළුමනින්ම ආරක්ෂාවන පරිදි සංශෝධනයකට යටත්ව අපි ඉතා ඉක්මනින් ඒක කරනවා.
සංවිධානාත්මක අපරාධ පනත මගින් සංවිධානාත්මක අපරාධකරුවන් මැඬ පැවැත්වීම ඉලක්ක කර ගනිමින් ඉතාමත් පැහැදිලි නිර්වචනයක් ඇති කරනවා. මුළුමනින්ම සංවිධානාත්මක අපරාධ ඉලක්ක කර ගත් නිර්වචනයක් ඒ පනත තුළින් අපි ගේනවා’. යනුවෙන් ජනාධිපතිවරයා වැඩිදුරටත් ප්රකාශ කළේය.
