සබරගමුව විශ්වවිද්යාලයේ නව වෛද්ය පීඨ සංකීර්ණය අද (4) අග්රාමාත්ය හරිනි අමරසූරියගේ ප්රධානත්වයෙන් සිසු අයිතියට පැවරෙන බව එම විශ්වවිද්යාලය ප්රකාශ කරයි.
ශ්රී ලංකාව සහ සෞදි අරාබි රාජ්යයේ ඒකාබද්ධ මූල්ය ප්රදානයන් යටතේ යහපාලන රජය අවධියේ ඉදිකිරීම් ආරම්භ කළ මෙම වෛද්ය පීඨ සංකීර්ණය රත්නපුර නව නගරය ආශ්රිත අක්කර 20ක භූමි ප්රමාණයක ස්ථාපිතව ඇත.
මෙම වර්ෂය සඳහා වෛද්ය සිසුන් 162 දෙනෙකු ඇතුළත් කර ඇති අතර, මේ වන විට එහි වෛද්ය සිසුන් 750ක් පමණ අධ්යාපනය ලබන බව වාර්තා වෙයි.
මෙම ඉදිකිරීම සඳහා ශ්රී ලංකා රජය රුපියල් මිලියන 1,096ක් වෙන්කර ඇති අතර, සෞදි අරාබි රාජ්යය ඇමෙරිකානු ඩොලර් මිලියන 50ක මූල්ය දායකත්වයක් ලබාදී ඇත.
නව වෛද්ය පීඨ සංකීර්ණය තුළ සිසුන් 500ට එකවර නේවාසික පහසුකම් සැපයිය හැකි නේවාසිකාගාරයක් සහ සිසුන් 1,060 දෙනෙකුට එකවර අසුන් ගත හැකි ශ්රවණාගාරයක් ද ඉදිකර තිබේ.
