කවුරු මොන විදිහකට කුඩා කුඩා ප්රතිවිරෝධ දැක්වුවත්, තමන් ජනතාව වෙනුවෙන් ගනු ලබන කිසිදු තීන්දුවක් ආපසු නොහරවන බව ජනාධිපති අනුර කුමාර දිසානායක පසුගිය 26 වැනිදා මීගමුව අල්-හිලාල් මධ්ය මහා විද්යාලයීය ක්රීඩාංගණයේදී පැවති 42 වැනි ජාතික මීලාද්-උන්-නබි රාජ්ය මහෝත්සවය අමතමින් ප්රකාශ කර ඇත.
තමන් ජනතාවට සහතික වන බවත්, 22 වැනි ව්යවස්ථා සංශෝධනය පිළිබඳ තීරණය ආපසු හරවන්නේ නැති බවත් එහිදී ප්රකාශ කර ඇති ජනාධිපතිවරයා, තමන් තීන්දුවක් ගැනීමේදී විය හැකි වාසි, අවාසි සහ අනෙකුත් බාහිර සාධක යන මේ සියල්ල තීන්දුව ගැනීමට පෙර සාකච්ඡාවට භාජනය කරන බව ප්රකාශ කර ඇත.
ඒ අනුව යම් කරුණක් පිළිබඳව තීන්දුවක් ගැනීමට ප්රථම හැම පැත්තකින්ම සහ හැම මානයකින්ම ඒ දෙස බලන බව ප්රකාශ කර ඇති ජනාධිපතිවරයා, තීන්දුව ගත්තාට පසුව එය ආපසු හරවන්නේ නැති බවට තමන් සහතික වන්නේ යැයි අවධාරණය කර ඇත.
22 වැනි ආණ්ඩුක්රම ව්යවස්ථා සංශෝධනය මඟින් මුළුමනින්ම අපේක්ෂා කරන්නේ රටේ ජනතාවට යුක්තිය පසිඳලීමේ කාර්යය වේගවත් කිරීම සඳහා අවශ්ය පසුබිම සකස් කිරීම බව ප්රකාශ කර ඇති ජනාධිපතිවරයා, මහජන බලය කෙරෙහි තමන් දැඩි විශ්වාසයකින් යුතුව කටයුතු කරන බවත් ප්රකාශ කර ඇත.
මෙම සංශෝධනය තුළින් පොදු ජනයාට නීතිය පිළිබඳ තිබෙන විශ්වාසය තහවුරු කරන බවත්, ඒ හරහා යුක්තිය වේගයෙන් පසිඳලීම සඳහා අවශ්ය පසුබිම ලබාදීමේ අරමුණක් මේ තුළ ගැබ්ව තිබෙන බවත් ප්රකාශ කර ඇති ජනාධිපතිවරයා, 2006 වසරේ නඩුවක තීන්දුව ලැබෙන්නේ 2026 දී බව ද එහිදී වැඩිදුරටත් ප්රකාශ කර ඇත.
