අතුරුදහන් වූවන් පිළිබඳ කාර්යාලය ඉදිරිපත් කළ මෝසමකට අනුව, යාපනය මහේස්ත්‍රාත් අධිකරණය විසින් යුරෝපීය සංගමයේ නියෝජිත පිරිසකට ජූලි 22 වන බදාදා දින චෙම්මනි සමූහ මිනීවළ කැණීම් භූමිය නිරීක්ෂණය සඳහා අවසර ලබා දී තිබේ.
යුරෝපීය සංගම් තානාපතිවරිය ඇතුළු එහි සාමාජික රටවල තානාපතිවරුන් සහ මහකොමසාරිස්වරුන්ගෙන් සැදුම්ලත් මෙම නියෝජිත පිරිස අධිකරණ අධීක්ෂණය යටතේ සිදුකෙරෙන කැණීම් කටයුතු නිරීක්ෂණය කිරීමටත්, චෙම්මනි සමූහ මිනීවළ පරිශ්‍රයේ විමර්ශනවල ප්‍රගතිය පිළිබඳ තොරතුරු ලබා ගැනීමටත් අපේක්ෂිත ය.
