මත්පැන් නිෂ්පාදන සමාගම් විසින් ගෙවිය යුතු හිඟ බදු මුදල් රුපියල් බිලියන 6කටවඩා වැඩි මුදල අයකර ගැනීම සඳහා දිසා අධිකරණයේ නඩු පවරන බව නීතිපති දෙපාර්තමේන්තුව අද(20) ශ්රේෂ්ඨාධිකරණයට දැනුම් දුන්නේය.
රජයට අයවිය යුතු රුපියල් බිලියන 6කට අධික බදු මුදල් ප්රමානයක්, අරක්කු සමාගම් විසින් නොගෙවා සිටීමට එරෙහිව සමාජ ක්රියාකාරිකයින් 17 දෙනෙකු විසින් ගොනු කර තිබූ මූලික අයිතිවාසිකම් පෙත්සමක් අගවිනිසුරු ප්රීති පද්මන් සූරසේන සහ විනිසුරු අර්ජුන ඔබේසේකර යන මහත්වරුන්ගෙන් සමන්විත ද්විපුද්ගල ශ්රේෂ්ඨාධිකරණ විනිසුරු මඬුල්ලක් හමුවේ අද කැඳවූ අතර එහිදී නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් නෙරින් පුල්ලේ මේ බව අධිකරණය හමුවේ ප්රකාශ කර ඇත.
2023 ජූනි 15 වන දින වනවිට මෙම බදු පැහැරහැරි සමාගම් විසින් ගෙවිය යුතු හිඟ බදු ප්රමාණය රුපියල් බිලියන 6.221 දක්වා ඉහළ ගොස් ඇති බව පෙත්සම්කරුවන් මෙහිදී ප්රකාශ කර ඇති අතර මෙම පෙත්සමේ වගඋත්තරකරුවන් ලෙස සුරාබදු කොමසාරිස් ජනරාල්වරයා, මුදල් රාජ්ය අමාත්යවරයා, විගණකාධිපතිවරයා, ඩබ්ලිව්. එම්. මෙන්ඩිස් ඇන්ඩ් කෝ ලිමිටඩ්, වයඹ ඩිස්ටිලරීස් පෞද්ගලික සමාගම, ග්ලෝබ් බ්ලෙන්ඩර්ස් ඇන්ඩ් බොට්ලර්ස් ලංකා පෞද්ගලික සමාගම, මැකලම් බෘවර් පෞද්ගලික සමාගම, කළුතර සමුපකාර ඩිස්ටිලරීස් සමිතිය, ෆින්ලන්ඩ් ඩිස්ටිලරීස් කෝපරේෂන් පෞද්ගලික සමාගම, සිනර්ජි ඩිස්ටිලරීස් පෞද්ගලික සමාගම, රන්දෙණිගල ඩිස්ටිලරීස් ලංකා පෞද්ගලික සමාගම, හිඟුරාණ ඩිස්ටිලරීස් පෞද්ගලික සමාගම, රෝයල් සිලෝන් ඩිස්ටිලරීස් පෞද්ගලික සමාගම ඇතුළු කිහිප දෙනෙකු නම් කර තිබුණි.
මෙම පෙත්සම වැඩිදුර විභාගය සඳහා නොවැම්බර් 16 වැනිදා යළි කැඳවීමට නියමිතය.
