ලංකාවේ පිරිපහදු කළ ඉන්ධන අවශ්යතා වෙනුවෙන් සහයෝගය දැක්වීමට කසකස්තානය කැමැත්ත පළ කර තිබේ.
වරාය, සිවිල් ගුවන් සේවා සහ බලශක්ති අමාත්ය අනුර කරුණාතිලක මහතා සහ කසකස්තාන තානාපති සර්ජි වික්ටොරොව් මහතා අතර අමාත්යාංශයේදී පැවැති සාකච්ඡාවකදී මේ බව අනාවරණය විය.
දෙරට අතර ද්විපාර්ශ්වික වෙළඳාම පුළුල් කිරීම, පිරිපහදු කළ ඉන්ධන ලබාගැනීම මෙන්ම සංචාරක සහයෝගීතාව නැංවීම කෙරෙහි ද මෙහිදී විශේෂ අවධානයක් යොමු වූ බව අමාත්යාංශය පවසයි.
මෙරට කසකස්තාන තානාපති කාර්යාලය පිහිටුවීමෙන් පසු සෘජු රාජ්ය තාන්ත්රික කටයුතු සඳහා පහසුකම් සැලසීම පිළිබඳව තානාපතිවරයා ශ්රී ලංකා රජයට ස්තූතිය පුද කරනු ලැබුවා. මේ අතර. කසකස්තානය සමඟ මෙන්ම මධ්යම ආසියානු කලාපයේ අනෙකුත් රටවල් සමඟ ද රාජ්ය තාන්ත්රික කටයුතු ඉහළ නංවා ගැනීම පිණිස කසකස්තානයේ අස්තානා නුවර ශ්රී ලංකා තානාපති කාර්යාලයක් පිහිටුවීමට අදහස් කරන බව අමාත්ය අනුර කරුණාතිලක මහතා වැඩිදුරටත් ප්රකාශ කළා.
