වර්තමානයේ ශ්‍රී ලංකාවේ වෙළෙඳපොළේ ඉන්ධන අලෙවි කරනු ලබන මිල ගණන් සහ සිංගප්පූරුවෙන් ආනයනය කරනු ලබන මිල අතර විශාල පරතරයක් තිබෙන බැවින් මෝටර් සයිකල්, ත්‍රිරෝද රථ, බස් හිමියන් ඇතුළු සමස්ත ජනතාවගේ දැනගැනීම පිණිස ඉන්ධන මිල සූත්‍රය (මිල හැදෙන හැටි) වහාම රටට හෙළි කරන්න යැයි හිටපු බලශක්ති අමාත්‍යවරයෙකු වන පාඨලී චම්පික රණවක ප්‍රකාශ කරයි.
සිය ෆේස්බුක් ගිණුමේ ඉන්ධන මිල ගණන්වල දත්ත සටහනක් එකතු කරමින් ඔහු මේ බව ප්‍රකාශ කර ඇත.
එම දත්ත සටහනට අනුව, මෙම මිල ගණන් ඇ.ඩො. 1ක වටිනාකම රුපියල් 330ක් ලෙස ගණනය කර ඇති අතර සිංගප්පූරු වරායෙන් ආනයනික (FOB) මිල සහ ලංකාවේ දැනට පවතින වෙළෙඳපොළ මිල අතර සංසන්දනය පහත පරිදි වෙයි.
පෙට්‍රල් 92:
ආනයනික මිල : රු. 292 (බැරලය ඇ.ඩො. 141)
ලංකාවේ මිල : රු. 414
පෙට්‍රල් 95:
ආනයනික මිල: රු. 305 (බැරලය ඇ.ඩො. 147)
ලංකාවේ මිල: රු. 475
ඔටෝ ඩීසල්:
ආනයනික මිල: රු. 350 (බැරලය ඇ.ඩො. 169)
ලංකාවේ මිල: රු. 392
සුපර් ඩීසල්:
ආනයනික මිල: රු. 367 (බැරලය ඇ.ඩො. 177)
ලංකාවේ මිල: රු. 528
බොරතෙල් :
ආනයනික මිල: රු. 213 (බැරලය ඇ.ඩො. 103)
