දැනට මහර බන්ධනාගාරයේ ඇතුලත තත්ත්වය සන්සුන් බවත් රැඳවියන් විසින් බන්ධනාගාර රෝහලට එහි කුස්සියට සහ අලුත් ගොඩනැගිල්ලට දැඩි හානියක් සිදුකර ඇති බවත් බස්නාහිර පළාත භාර ජ්යෙෂ්ඨ නියෝජ්ය පොලිස්පති සජීව මැදවත්ත ප්රකාශ කරයි.
මෙම බන්ධනාගාරයේ රිමාන්ඩ් රැඳවියන් සහ සිරකරුවන් 4100කට වැඩි ප්රමානයක් රඳවා සිටින බව ප්රකාශ කරන ඒ මහතා වැඩිදුරටත් ප්රකාශ කළේ ඊයේ (1) හවස 4.30ට පමණ ආරම්භ වුණ මෙම නොසන්සුන්තාවය අද(2) උදෑසන 6 පමණ වනතුරු පැවති බවයි.
පසුගිය දා මීගමුව බන්ධනාගාරයේ ඇතිවූ සිද්ධිය පාඩමකට ගෙන පොලීසිය, විශේෂ කාර්යය බලකාය සහ ත්රිවිද හමුදාව එක්ව අද උදෑසන වනවිට තත්ත්වය සම්පූර්ණයෙන්ම පාලනය කළ බව ප්රකාශ කරන ඒ මහතා රැඳවියන්ට ආහාර වතුර වැනි අත්යාවශ්ය දේ ලබාදීමට කටයුතු කරමින් ඇතැයි ද රැඳවියන් මේ වනවිට සම්පූර්ණයෙන්ම ඔවුන්ගේ වාට්ටු තුළ ට දාමා ඇතැයිද ප්රකාශ කරයි.
බන්ධනාගාරය තුළ රෝගී තත්ත්වයන්වලට අදාළව බෙහෙත් ලබාගන්නට අවශ්ය රෝගීන් 10 දෙනෙක් පමණ සිටින බව ප්රකාශ කරන ඒ මහතා මෙම තත්ත්වය නිසා තුවාල ලැබූ රැඳවියන් තුන් හතර දෙනෙක් තවමත් බන්ධනාගාරය ඇතුලත සිටින බවත් ප්රකාශ කරයි.
