රජයේ සහ පෞද්ගලික අංශයේ පවතින උග්ර ඖෂධ මෙන්ම ශල්ය උපකරණ හිඟය නිසා අසරණ වී සිටින්නේ පොදු ජනතාවයි.
මේ හේතුවෙන් අත්යවශ්ය වෛද්ය සැපයුම් වෙනුවෙන් සාමාන්ය මිල මෙන් තුන් ගුණයකට වඩා වැඩි පිරිවැයක් ගෙවීමට රෝගීන්ට සිදුව ඇති බව වෛද්ය හා සිවිල් අයිතිවාසිකම් පිළිබඳ වෛද්ය වෘත්තීය සමිති සන්ධානය පවසනවා. මේ පිළිබඳව අදහස් දැක්වූ එහි සභාපති වෛද්ය චමල් සංජීව මහතා පෙන්වා දුන්නේ රුපියල් 600ක් වැනි සාමාන්ය සිල්ලර මිලකට අලෙවි විය යුතු ඖෂධ පවා මේ වන විට රුපියල් 2,000කට ආසන්න අධික මිල ගණන් යටතේ විකිණෙන බවයි.
රට තුළ පවතින මෙම දැඩි හිඟය නිසා ලියාපදිංචි නොකළ, ප්රමිතියෙන් තොර ඖෂධ මුහුදු මාර්ගයෙන් නීති විරෝධී ලෙස රට තුළට ගලා ඒමේ ප්රවණතාවක් ද මතුව තිබේ. පසුගියදා ශ්රී ලංකා රේගුව සහ නාවික හමුදාව එක්ව මෙලෙස මෙරටට ගෙන ආ නීති විරෝධී ඖෂධ තොග කිහිපයක්ම වටලනු ලැබුවා.
රජය වහා මැදිහත් වී මෙම ගැටලුවට කඩිනම් විසඳුම් ලබා දිය යුතු බවත්, නියාමන ක්රියාවලිය දැඩි නොකරන්නේ නම් අධික මිලක් ගෙවා ප්රමිතියෙන් තොර බාල ඖෂධ මිලදී ගැනීමට සිදුවන බවත්, එමඟින් පොදු ජනතාවගේ ජීවිත බරපතල සෞඛ්ය අවදානමකට ලක්වන බවත් වෛද්ය සංජීව මහතා වැඩිදුරටත් ප්රකාශ කර සිටිනවා.
