ත්රස්තවාදය වැළැක්වීමේ පනත යටතේ රඳවාගෙන සිටින හිටපු රාජ්ය බුද්ධි ප්රධානී සුරේශ් සලේ සිය උපවාසය අතහැර ඇතැයි වාර්තා වෙයි.
පාස්කු ඉරිදා ත්රස්ත ප්රහාරයට අදාළ විමර්ශනයන් වලින් සීඅයිඩී අධ්යක්ෂ ශානි අබේසේකර ඉවත් විය යුතු යැයි කියමින් හිටපු බුද්ධි ප්රධානියා ආහාර වර්ජනයක නිරත වූ අතර ඔහු දිගින් දිගටම සීඅයිඩීයට චෝදනා කළේ තමන්ට වධහිංසා පමුණුවන බවයි.
සිය නීතිඥයාගේ උපදෙස් මත සලේ උපවාසය අත් අහිටුවා ඇති අතර එහෙත් ඔහුගේ එකදු ඉල්ලීමක් හෝ ලබාදෙන්නට රජය හෝ බලධාරීන් කටයුතු කර නැත. ඒ අනුව පාස්කු ඉරිදා ත්රස්ත ප්රහාරය පිළිබඳ සීඅයිඩී විමර්ශනයන් එහි අධ්යක්ෂ ශානී අබේසේකරගේ මූලිකත්වයෙන් තවදුරටත් සිදුවෙනු ඇත.
