ලෝක බැංකුවේ 2026-2027 නවතම වර්ගීකරණයට අනුව ශ්රී ලංකාව යළිත් වරක් “ඉහළ-මධ්යම ආදායම් ලබන රටක්” ලෙස ලැයිස්තුගත වීමට සමත්ව තිබෙනවා.
2019 වසරේදී ද ලංකාව මෙම මට්ටම අත්පත් කරගත්ත ද, පාස්කු ප්රහාරය සහ කොවිඩ් වසංගතයෙන් පසු උද්ගත වූ අර්බුද හේතුවෙන් විදේශ ණය ගෙවා ගැනීමට පවා නොහැකි තත්ත්වයක් උදා විය.
ඉන් වසර තුනක් වැනි කෙටි කලක් ඇතුළත මෙවැනි සහතිකයක් හිමිකර ගැනීමට හැකිවීම විශේෂත්වයකි.
මෙම ආර්ථික පිබිදීමට මූලික වී ඇත්තේ කර්මාන්ත ක්ෂේත්රයේ ඇති වූ පුනර්ජීවනය මෙන්ම සංචාරක සහ මූල්ය සේවාවල කැපී පෙනෙන වර්ධනයයි. මේ හේතුවෙන් 2025 වසරේදී රටේ දළ දේශීය නිෂ්පාදිතය 5% කින් ඉහළ ගොස් තිබෙනවා.
IMF සහාය ඇතිව ක්රියාත්මක කළ ආර්ථික ප්රතිසංස්කරණ, මූල්ය ඒකාබද්ධතා සහ බාහිර ණය ප්රතිව්යුහගත කිරීම් හරහා ශ්රී ලංකාව ලබා ඇති ප්රගතිය ලෝක බැංකුවේ ඇගයීමට ලක්ව ඇත්තේ එම නිසාවෙනි.
කෙසේ වෙතත්, ශ්රී ලංකාව මෙම සීමාව පසුකර ගියේ ඉතා අසීරුවෙන් බව ලෝක බැංකුව මතක් කර සිටිනවා. එමෙන්ම මෙම ආදායම් වර්ගීකරණය මඟින් ජනතාවගේ සැබෑ ජීවන තත්ත්වය හෝ දරිද්රතා මට්ටම සෘජුවම නිරූපණය නොවන බව ද ඔවුන් අවධාරණය කරනවා.
