කොළඹ අගරදගුරු මැල්කම් රංජිත් කාදිනල් හිමිපාණන් පාස්කු ඉරිදා බෝම්බ ප්‍රහාරය උපයෝගී කරගනිමින් තමන්ගේ ධුර කාලය දීර්ඝ කර ගැනීමට කටයුතු කරන බවට සමාජ මාධ්‍යවල සංසරණය වන වාර්තා ශ්‍රී ලංකා කතෝලික රදගුරු මණ්ඩලය සම්පූර්ණයෙන්ම ප්‍රතික්ෂේප කරනවා.
එම මණ්ඩලයේ සභාපති හැරල්ඩ් ඇන්තනි පෙරේරා රදගුරුතුමන් සහ ප්‍රධාන ලේකම් ඇන්ටන් රංජිත් පිල්ලෙනායගම් රදගුරුතුමන්ගේ අත්සනින් යුතුව නිකුත් කළ විශේෂ නිවේදනයක දැක්වෙන්නේ මෙම ප්‍රචාර සම්පූර්ණයෙන්ම අසත්‍ය බවයි.
කතෝලික සභා නීතියට අනුව ලෝකයේ ඕනෑම රදගුරුතුමෙකු වයස අවුරුදු 75 සම්පූර්ණ වූ විට පාප් වහන්සේ වෙත විශ්‍රාම ගැනීමේ ලිපිය ඉදිරිපත් කිරීමට බැඳී සිටින බවත්, 401 වන සභා නීතිය ප්‍රකාරව එම විශ්‍රාම ගැන්වීම නිල වශයෙන් බලාත්මක වන්නේ පාප් වහන්සේ විසින් එය නිල වශයෙන් අනුමත කිරීමෙන් පසුව පමණක් බවත් රදගුරු මණ්ඩලය වැඩිදුරටත් පැහැදිලි කර සිටිනවා.
