මීගමුව බන්ධනාගාරය තුළ රැඳවියන් දෙපිරිසක් අතර ඊයේ (05) ආරම්භ වූ දරුණු ගැටුම, අද (06) උදෑසන වනවිට පාලනය කර තිබුණද, මීට ටික වේලාවකට පෙර එහි යළිත් බරපතළ නොසන්සුන්කාරී තත්ත්වයක් හටගෙන තිබූ අතර මෙම ගැටුම් තත්ත්වය නිසා මේ වනවිට 7 දෙනෙක් මියගොස් ඇතැයි මීගමුව රෝහල් ආරංචි මාර්ග ප්රකාශ කරයි.
ඊයේ ගැටුමින් රැඳවියන් 2දෙනෙක් මියගොස් තිබුණ අතර අදත් දෙදෙනෙක් මියගොස් තිබෙනවා. අද උදෑසන ඇතිවුණ ගැටුම පාලනය කරන්නට ගිය බන්ධනාගාර නිලධාරීන් තිදෙනෙක් ද මරණයට පත්වී තිබෙන බව තමයි අලුත්ම වාර්තාවන්ට අනුව දැනගන්නට ලැබෙන්නේ.
මේ අනුව ඊයේ සහ අද තුවාල ලැබූ පිරිස 73ක් පමණ වන බවත් එම සංඛ්යාව තවත් වැඩි විය හැකි බවත් රෝහල් ආරංචි මාර්ගවලින් ප්රකාශ වෙනවා.
මීගමුව රෝහල් ප්රකාශකයෙක් පැවසූවේ මිය ගිය අයගේ සහ තුවාල ලැබූවන්ගේ සිරුරුවල වෙඩි වැදුන තුවාල තිබෙන බවයි.
පොලීසිය ප්රකාශ කරන්නේ තත්ත්වය පාලනය කිරීම වෙඩි ප්රහාර කිහිපයක්ද එල්ල කිරීමට සිදුව ඇති බවයි.
මීට පෙර අප වාර්තා කළ පුවත – https://knews.lk/negombo-prison-riot-2-dead-35-injured-knews/
