කුඩා හා මධ්යම පරිමාන විදුලි නිෂ්පාදකයින් විසින් ජනනය කරනු ලබන සූර්ය බලශක්තිය ජාතික විදුලිබල පද්ධතියට එකතු කිරීම, කළමනාකරණය කිරීම, බෙදා හැරීම වඩාත් කාර්යක්ෂම කිරීම හරහා එම බලශක්ති නිෂ්පාදකයින් මුහුණ දෙන අභියෝග විසඳීමට නව ව්යාපෘතියක් ආරම්භ කෙරෙන අතර ඒ සඳහා ඇමරිකානු ඩොලර් මිලියන 55.9කට ආසන්න ඒකාබද්ධ විදේශ මූල්ය පහසුකමක් ලබා ගැනීමට රජය සූදානම් වේ.
මේ අනුව, Project on Ground-Based Solar Power Consolidation and True Net Metering නම් මෙම නව ව්යාපෘතිය ක්රියාත්මක කිරීම සඳහා ආසියානු සංවර්ධන බැංකුව, යුරෝපා සංගමය සහ ඒකාබද්ධ ණය යාන්ත්රණය සඳහා වන ජපන් අරමුදල සමඟ ණය ගිවිසුම්වලට එළඹීමට කැබිනට් මණ්ඩලය අනුමැතිය ලබා දී ඇත.
මෙම මූල්ය පහසුකම තුළ ආසියානු සංවර්ධන බැංකුවෙන් ඇමරිකානු ඩොලර් මිලියන 35ක සහනදායී ණයක්, යුරෝපා සංගමයෙන් යුරෝ මිලියන 15.4ක ප්රදානයක් සහ ඒකාබද්ධ ණය යාන්ත්රණය සඳහා වන ජපන් අරමුදලෙන් ඇමරිකානු ඩොලර් මිලියන 5.5ක ප්රදානයක් අන්තර්ගත වෙනු ඇත.
මෙම ව්යාපෘතිය සඳහා මූල්ය පහසුකම් සම්පාදනය කරගැනීම සම්බන්ධයෙන් ජාත්යන්තර සංවර්ධන හවුල්කරුවන් සමඟ සාකච්ඡා ආරම්භ කිරීමට 2025 නොවැම්බර් මාසයේදී ලබා දුන් කැබිනට් අනුමැතියෙන් පසුව මෙම පියවර ගෙන ඇත.
