වර්තමාන ජනාධිපති අනුර කුමාර දිසානායක විසින් නීතිඥ ප්රජාවගේ බහුතර විරෝධය මත ගෙන එන්නට නියමිත 22 වෙනි ව්යවස්ථා සංශෝධනය පිළිබඳව සාකච්ඡා කිරීම සඳහා දිවයින පුරා විසිර සිටින නීතිඥ ප්රජාව අද කොළඹට එකතුවී ඇත.
පෙරවරු 11ට ආරම්භ කළ බවට වාර්තා වෙන මෙම රැස්වීම සඳහා අතිවිශාල නීතිඥයන් ප්රමානයක් සහභාගිවී ඇතැයි මේ වනවිට කරුණු වාර්තා වෙයි.
මෙම රැස්වීම ආරම්භ කරන්නට ප්රථම අද උදෑසන ශ්රී ලංකා නීතිඥ සංගමයේ සභාපතිවරයා තම ෆේස්බුක් ගිණුමේ මෙවැනි සටහනක් පළකර තිබුණි.
‘සියලු දෙනාටම ඉතාමත් ගෞරවයෙන් යුතුව මම මෙය ප්රකාශ කරමි. මාගේ අදහසට අනුව තම වෘත්තීය ගෞරවය, ස්වාධීනත්වය සහ ව්යවස්ථාමය වගකීම් සැබෑ ලෙසම අගය කරන කිසිදු නීතිඥවරයෙකුට හෝ නීතිඥවරියකට මෙම රජයේ යෝජනාවට සහාය දැක්විය නොහැක. එසේ සහාය දක්වන්නේ නම්, එය නීතිමය හෝ ව්යවස්ථාමය මූලධර්ම මත නොව, දේශපාලන මතවාදයක් හෝ යම් පෞද්ගලික ප්රතිලාභයක් අපේක්ෂාවෙන් පමණක් වනු ඇත.
අපගේ රටේ ආණ්ඩුක්රම ව්යවස්ථාවේ අඛණ්ඩත්වය, අධිකරණයේ ස්වාධීනත්වය සහ ශ්රී ලංකා නීතිඥ සංගමයේ (BASL) මූලධර්මවාදී ස්ථාවරය ආරක්ෂා කිරීම සඳහා අවශ්ය ඕනෑම පියවරක් ගැනීමට අපි කිසිවිටෙකත් පසුබට නොවන්නෙමු’
