අධිකරණ අමාත්ය හර්ෂණ නානායක්කාර ප්රකාශ කරන ආකාරයට ඊයේ (6) රාත්රියේ බොරැල්ල නව මැගසින් බන්ධනාගාරයේ හටගත් නොසන්සුන්තාව මේ වනවිට සම්පූර්ණයෙන්ම පාලනය කර ඇත.
ඒ අනුව මීගමුව බන්ධනාගාරයේ සිදුවූ අවස්ථාවේදී කටයුතු කළ ආකාරයට වෙනස්ව මෙවර මැගසින් බන්ධනාගාරයේ සිද්ධියට මුල් වූ බවට සැක කෙරෙන රැඳවියන් දස දෙනෙකු පමණ වෙනත් බන්ධනාගාර වෙත වහාම මාරු කිරීමට පියවර ගෙන ඇත.
මෙම සිදුවීම සිදුවී ඇතැයි ප්රකාශ වෙන්නේ බන්ධනාගාරයේ තාප්පයට ඉහළින් ඇතුළට විසි කළ කුඩා පාර්සලයක් බන්ධනාගාර නිලධාරියෙකු භාරයට පත්වීමත් සමඟ බව ප්රකාශ වෙන අතර, ඉන් අනතුරුව සිරමැදිරියක අගුළු කඩාගෙන රැඳවියන් 40කට අධික පිරිසක් පිටතට පැමිණ කලහකාරී ලෙස හැසිරී ඇත.
මෙම අවස්ථාවේදී ක්රියාත්මක වූ බන්ධනාගාර නිලධාරීන් පොලිසිය සහ පොලිස් විශේෂ කාර්ය බලකායේ නිලධාරීන් ද කැඳවා ඔවුන් හා එක්ව තත්ත්වය පාලනය කර ඇත. මීගමුව බන්ධනාගාරයේ මුල්ම සිදුවීම අවස්ථාවේද බන්ධනාගාරය සහ අමාත්යවරයා මෙසේ ක්රියා කළා නම් විශාල ජීවිත ප්රමාණයක් ආරක්ෂා කරගන්නට තිබුණි.
මේ වනවිට බන්ධනාගාර පරිශ්රයේ මෙන්ම අවට ප්රදේශයේ ආරක්ෂාව තහවුරු කිරීම සඳහා ත්රිවිධ හමුදාවද ශ්රී ලංකා ගුවන් හමුදාවේ ඩ්රෝන යානාද යොදාගෙන ඇත.
කලින් පුවත – https://knews.lk/borella-magazine-prison-unrest/
